കളമെഴുത്തിന് ‎മിഴി തുറക്കൽ

 

നെടുമങ്ങാട് : വിദ്യാരംഭ ദിനത്തിൽ സാംസ്കാരിക പ്രവർത്തകർ മൺചെരാതുകൾ തെളിച്ച്‌ നാടക പരിശീലനത്തിന് മിഴി തുറന്നു. നെടുമങ്ങാട് മൊഴി നാടക കൂട്ടത്തിന്റെ "കളമെഴുത്ത് " എന്ന നാടക പരിശീലന ക്യാമ്പിനാണ് തുടക്കമായത്. എഴുത്തുകാരൻ സപ്ത പുരം അപ്പുക്കുട്ടൻ ആദ്യ തിരിതെളിച്ചു. ചരിത്രകാരൻ വെള്ളനാട് രാമചന്ദ്രൻ, റിട്ട. ഹെഡ് മാസ്റ്റർ
‎ആനാട് വിജയൻ നായർ, പോതുപാറ മധുസൂദനൻ , ശാലിനി നെടുമങ്ങാട്, കെ.ശശിധരൻ നായർ, ശശികുമാർ അപ്പുക്കുട്ടൻ, വേട്ടമ്പള്ളി കൃഷ്ണൻ, ബിജു പേരയം, സന്തോഷ് കുമാർ സരയൂതീരം, സലീം അഞ്ചൽ, ബാലു പുഞ്ചപ്പാടം തുടങ്ങി കലാ-സാഹിത്യ മേഖലകളിൽ പ്രവർത്തിക്കുന്ന നിരവധിപ്പേർ മൺചെരാത് തെളിച്ച് മിഴി തുറക്കലിൽ പങ്കു ചേർന്നു.
‎ശില്പരത്ന രാജേഷ് ട്വിങ്കിൾ സംവിധാനം ചെയ്യുന്ന കളമെഴുത്തിന്റെ രചന മാധ്യമ പ്രവർത്തകൻ എസ്.ടി.ബിജുവിന്റേതാണ്.ജനുവരി മുതൽ നാടകം വേദികളിൽ അവതരിപ്പിക്കും.